சீனா தயாரிக்கும் ஒலியைவிட அதிவேகமாக செல்லும் நீர்மூழ்கி கப்பல்

                                            
சீனா அனைத்து துறைகளிலும் அதிவேகமாக முன்னேறி வருகிறது. உலகிலேயே மிக அதிவேகமாக பாய்ந்து செல்லும் புல்லட் ரெயில்களை உருவாக்கி சாதனை படைத்துள்ளது. விண்வெளி துறையில் ஆய்வு மேற்கொண்டு முன்னேறி வருகிறது.
இந்த நிலையில் தற்போது ஒலியை விட மிக அதிவேகமாக பயணம் செய்யக்கூடிய ‘சூப்பர் சோனிக்’ நீர்மூழ்கி கப்பல் தயாரிக்கிறது.
இக்கப்பலை சீனாவின் ஹார்பின் இண்டிடியூட் ஆப் டெக்னாலஜியின் நிபுணர்கள் வடிவமைத்து தயாரிக்கின்றனர். இதில் புதிய தொழில் நுட்பங்கள் பயன்படுத்தப்பட்டுள்ளன.
இந்த நீர் மூழ்கி கப்பல் சீனாவில் ஷாங்காய் நகரத்தில் இருந்து அமெரிக்காவின் சான்பிரான்சிஸ்கோவுக்கு 2 மணி நேரத்தில் பயணம் செய்ய முடியும். சான்பிரான்சிஸ்கோ அமெரிக்காவின் மேற்கு பகுதியிலும், ஷாங்காய் சீனாவின் கிழக்கு பகுதியிலும் உள்ளது.
அவற்றின் இடையேயான தூரம் 9,873 கி.மீட்டர். சீனாவுக்கும், சோவியத் ரஷியாவுக்கும் இடையே பகைமை நிலையுடன் கூடிய பனிபோர் இருந்தது. அப்போது சோவியத்ரஷியா ‘சூப்பர் கேவியசன்’ என்ற அதிநவீன நீர் மூழ்கி கப்பலை தயாரித்தது.
இது மணிக்கு 370 கி.மீட்டர் வேகத்தில் பயணம் செய்யும் திறன்படைத்தது. அதுவே தாங்கள் இந்த ‘சூப்பர் சோனிக்’ நீர்மூழ்கி கப்பல் உருவாக்க தூண்டுதலாக இருந்தது என்று என்ஜினீயரிங் பேராசிரியர் லீ பெங்சன் தெரிவித்தார்.